Laurie goes to USA

New York, New York

2006-06-24T09:59:00.000-07:00

Komnar til New York, skelltum okkur á kaffihús þar sem við könnuðumst nú aðeins við okkur.

Rósa var jafnvel að spá í að sækja um vinnu, hún tekur sig allavega vel út sem kaffiþjónn

Við erum farnar á Times Square!

Hár hár hár

2006-06-07T22:54:00.000-07:00

Já, hár hár hár og aftur hár! Það er hárvika/skeggvika og ég verð að viðurkenna að þetta er nú ekki alveg það skemmtilegasta. En skánar nú samt aðeins eftir því sem maður æfist meira. Það er soldið mikil vinna að vinna hárið og gera það tilbúið til að líma á. Við þurfum meðal annars að greiða það með þessu stórhættulega tryllitæki sem þið sjáið þarna límt við borðið á myndinni. Þetta er þykk plastplata með mjög beittum nöglum uppúr og við erum allar búnar að skera eða stinga okkur á þessu. Kennarinn var líka búinn að vara okkur við "You will hurt yourself and you will bleed" og ég hugsaði auðvitað að ég myndi nú fara varlega en það bjargaði mér ekki og ég var ekki lengi að fá fyrsta sárið hehe.

Þegar hárið er svo loksins reddí þá skellum við því á vin okkar hann Tuffy sem þið sjáið á hinni myndinni. Þetta er eitthvað sem maður þarf að gera ansi oft til að ná einhverri færni, þess vegna notum við þessar dúkkur svo við fáum meiri tíma til að æfa okkur. En á morgun þurfum við að setja skegg á hvor aðra. Svo er próf á föstudaginn og þá er bara skemmtilegasta vikan eftir, injury week.

Svo er bara vika í Rósu!!

Cowgirls!

2006-06-04T21:30:00.000-07:00

Skelltum okkur á Sattle Ranch í dag í brunch, þetta er kúrekastaður á Sunset strip. Við vorum þrjár til að byrja með en Shannon og vinur hennar komu svo og kíktu á okkur.
Við sátum úti fyrst en það var allt of heitt þannig að við færðum okkur inn til að kæla okkur. Þetta er ekta kúrekastaður með nauti og öllu og auðvitað lét ég plata mig á það. Við Mary skelltum okkur báðar og þetta var bara alls ekkert svo slæmt, bara gaman.

Mary á nautinu

og ég á nautinu, ég entist nú ekki lengi, datt mjög fljótlega af hehe

Eftir kúrekaævintýrið fórum við Mary á kaffihús hérna í Burbank og svo í bíó á "The Break Up", og svo var bara farið heim að klára heimavinnuna. Svo er það bara skegg á morgun, that will be interesting.

allt of heitt

2006-06-03T20:40:00.000-07:00

Það var gjörsamlega óbærilegur hiti í dag, 35 stig, jafnvel meira. Fór í sólbað við sundlaugina og var alveg að stikna og entist þar af leiðandi ekki lengi. Fór út að ná mér í mat um hálf átta í kvöld og þá var hitinn ennþá yfir 30. Hitinn á ekki að fara undir 30 í vikunni, uff, aðeins of mikið að mínu mati.

Það er lítið að frétta, ég er á fullu að reyna að plana eitthvað sniðugt fyrir okkur Rósu að gera þegar hún kemur. Fékk Jay Leno miðana í dag, fengum miða 19.júní, hlakka geðveikt til. Svo fara auðvitað einhverjir dagar í að versla og við ætlum jafnvel að kíkja til Vegas. Þannig að okkur á allvega ekki eftir að leiðast :)

Er að fara í brunch í Hollywood á morgun með Mary og Shannon úr skólanum, ætlum síðan jafnvel að kíkja í bíó á eftir. Næstu helgi er svo 17. júní partý hjá Siggu Jónu og Jonna, það er viku fyrr þar sem þau eru að fara til Íslands 15. júní. Það verður gaman að hitta íslendingana sem búa hérna, það mæta vanalega rúmlega 100 manns þannig að þetta verður heljarinnar parý.

Skallar

2006-05-31T23:27:00.000-07:00

Já, þetta er það sem við erum að læra þessa vikuna, boldcaps. Það er mjög gaman og fyndið að sjá allar með skalla, soldið freaky hehe.
Ég er búin að setja myndir í skóla möppuna sem þið getið kíkt á. Ég vildi ekki setja mynd af mér beint hingað þar sem Hlyni er nú ekki vel við að sjá mig svona skrítna. Ég spurði hann í dag hvort ég ætti að senda honum skalla mynd af mér, hann hélt nú ekki, hann vildi að ég myndi senda honum venjulega mynd af mér þar sem ég væri sæt hehe. Hann er svo mikil dúlla.

Við tökum síðan próf í þessu á föstudaginn, svo í næstu vikur er skeggvika. Það verður örugglega soldil þolinmæðisvinna þar sem við þurfum að vinna hárið sjálfar og klippa en það er örugglega bara mjög gaman. Síðan er bara lokavikan eftir og þá eru það áverkar, brunasár, skotsár, skurðir osfrv.

Ég fór og skilaði bílnum í gærkvöldi, á eftir að sakna hans mikið. En það er nú ekki langt í að ég ætla að leigja mér bíl, plana að vera með bíl í viku áður en Rósa kemur og svo auðvitað vikuna sem hún er hér = tvær síðustu vikurnar. Á morgun eru akkurat tvær vikur í að Rósa mæti á svæðið, það er sko soldið síðan að ég byrjaði að telja niður :)

Klukkan er að verða tólf á miðnætti hjá mér og ég þarf að fara að sofa og þið heima sem þurfið að mæta í vinnu eruð mjög líklega að vakna, góðan daginn!!

Búðir búðir búðir

2006-05-28T21:50:00.000-07:00

það er það eina sem ég er búin að gera undanfarna tvo daga, fara í búðir. Eyddi laugardeginum í verslunarmiðstöðinni í Sherman Oaks sem er hérna nálægt. Ætlaði að reyna að kaupa einhver föt á Hlyn en endaði á því að versla bara fyrir mig, skó, snyrtivörur og föt. Fór síðan í dag út um allt, byrjaði í Farmers Market sem er markaður og búðir í LA. Mér tókst meira að segja að rata þangað, ótrúlega stolt af mér. En ég entist ekki lengi og brunaði aftur heim. Fór á netið og fann út hvar næsta Toys R Us búð væri, og hún var bara hérna rétt hjá þannig að ég brunaði þangað og verslaði eitthvað af leikföngum fyrir börnin í familíunni. Svo var ferðinni heitið í verslunarmiðstöðina í Glendale sem er líka hérna nálægt. Þar fann ég alveg æðislega barnafataverslun sem heitir Pumpkin Patch. Ég er búin að vera með augun opin fyrir fötum á Hlyn en aldrei séð neitt alveg sérstakt en ég varð alveg ótrúlega hrifin af þessari búð, ótrúlega flott föt.

Það er spáð 29 stiga hita á morgun þannig að það er spurning um að reyna að fara í þetta sólbað sem ég er búin að vera að plana í margar vikur. Svo á mér örugglega eftir að finnast of heitt til að vera úti og fer bara í einhverja fína loftkælda verslunarmiðstöð og kaupi mér brúnkukrem.

Löng helgi framundan :)

2006-05-25T23:54:00.000-07:00

Á morgun er rólegur dagur hjá okkur, við erum að byrja að læra að gera "boldcap". Við þurfum að búa til tvo fyrir hádegi og svo er planið að fara í bíó eftir hádegi á X-Men 3. Ég er nú ekkert svakalega spennt fyrir þessari mynd þar sem ég hef ekki séð hinar en make-upið á víst að vera flott og það er ástæðan fyrir að við erum að fara. Það er einn gaur sem vinnur hérna í skólanum sem var að vinna að þessari mynd og hann var að segja okkur um daginn frá make-upinu og hvernig þeir hefðu gert hitt og þetta þannig að það verður gaman að sjá hana út frá því.
Á mánudaginn er Memorial day hérna og þá er frí í skólanum þannig að það er löng helgi framundan. Það verður ágætt að ná að hvíla húðina aðeins, það fer ekkert sérstaklega vel með hana að vera endalaust með lím og allt þetta drasl sem við notum á sér. Svo eru efnin sem við þurfum að nota til að þrífa allt þetta dæmi af svo sterk. Það er líka ótrúlega tímafrekt að hreinsa nefin og hökurnar og allt þetta dæmi sem við erum að líma á hvor aðra af. Þannig að það verður oft freistandi að rífa þetta bara af, sem getur verið mjög slæmt fyrir húðina.

Er eiginlega ekkert búin að plana helgina, er samt búin að ákveða að eyða einum degi bara í leti í sólinni, reyna að fá smá lit. Ég er örugglega hvítari en ég var þegar ég kom og ég ætla ekki að koma þannig til baka, og þar sem það eru bara fjórar vikur þangað til þá er um að gera að fara að vinna í þessu.

Jæja ég er farin að sofa

Hlynur sæti

2006-05-23T23:14:00.000-07:00

Tók mynd af Hlyni í gær þegar ég var að tala við hann á msn. Við tölum saman nánst á hverjum degi, hann er alltaf mættur við tölvuna um sjö leitið þegar ég kem heim í hádegismat. Stærsti kosturinn við að vera í næsta húsi við skólann, get talað við krúsídúlluna mína á hverjum degi :)

Ég eyddi seinustu helgi með Siggu Jónu vinkonu hennar mömmu, hún kom og sótti mig eftir hádegið á laugardaginn og við eyddum deginum í búðarrápi og á kaffihúsum. Ég gisti síðan hjá henni um nóttina, þegar ég fór fram um morguninn tók á móti mér þessi svakalega brunalykt. Sigurborg dóttir Siggu og vinkona hennar voru að útbúa morgunmat handa okkur og eggin höfðu brunnið aðeins við, ekkert alvarlegra en það sem betur fer. Morgunmaturinn var mjög góður hjá stelpunum, þær buðu upp á egg, beikon, pulsur, sushi, beyglur ofl mmmmm.
Eftir hádegið skelltum við okkur svo í bíó á Over the Hedge, hún var bara ansi skemmtileg. Við enduðum daginn síðan í “Nail Spa” þar sem við létum dekra aðeins við okkur, it was very nice.
Sigga var svo almennileg að lána mér bílinn sinn á meðan Jonni er í Cannes, þannig að ég er með bíl fram að næstu helgi. Það fyrsta sem ég gerði eftir að ég var komin á bíl var að fara í búðina og byrgja mig upp af vatni. Algjör lúxus að þurfa ekki að bera það allt heim. Er síðan búin að vera að rúnta um hverfið með nokkrum búðarstoppum. Planið er að kíkja í Bloomingdale á morgun eftir skóla, oh það eru svo margar búðir sem ég á eftir að fara í, so many stores, so little time hehe.

Jæja

2006-05-19T19:50:00.000-07:00

ég er ekki að trúa því að það séu bara fjórar vikur eftir af skólanum, tíminn er ótrúlega fljótur að líða. Það er annars frekar lítið að frétta, gengur vel í skólanum, er búin að taka eitt próf sem gekk mjög vel svo er næsta á þriðjudaginn. Ég búin að setja inn nokkrar myndir úr skólanum og úr strandarferðinni okkar Giselle, en seinustu helgi leigðum við okkur blæjubíl og brunuðum á ströndina. Það var nú ekki leiðinlegt að keyra um í sólinni í blæjubílnum :)
Við byrjuðum á að fara á Malibu ströndina en það var frekar leiðinlegt veður þar þannig að við stoppuðum sama og ekkert heldur brunuðum bara beint til Santa Monica en þar var þetta fína veður. Við kíktum á bryggjuna en þar er tívolí og slatti af veitingastöðum, það er ótrúlega næs þarna og ströndin alveg æði. Við borðuðum á bryggjunni og fórum svo í smá rúnt yfir á Venice en enduðum svo aftur á Santa Monica og kíktum í búðir. Það er alveg æðisleg göngu/verslunargata á Santa Monica, það er opið fram á kvöld og mikið um að vera. Enduðum svo kvöldið á tælenskum veitingastað og brunuðum svo heim í myrkrinu. Það var mun auðveldara að rata en ég átti von á, hélt að við myndum pottþétt villast en svo var ekki :)

Kennarinn minn var að spurja mig í dag eitthvað í sambandi við íslensku og hvaða máli íslenska væri skyld. Þá heyrðist í einni stelpunni "WHAT!! you don´t speak enlish over there??" kennarinn alveg "hahaha, where did you think she got her accent from?" "oh I just thought that was the accent they had over there" hehe ég tók þessu bara sem hrósi, að ég tali nú svona rosalega góða ensku að hún hélt að það væri móðurmálið mitt. En ég er greinilega ekki komin með amerískan hreim hehe.

jæja læt þetta nægja í bili, adios

Update

2006-05-09T18:33:00.000-07:00

jæja bloggletin alveg að gera út af við mann þessa dagana.
Fór í túristaferð á laugardaginn með Giselle og Marie úr skólanum, full rútan fór af stað hálf 10 frá Hollywood Blvd. Þetta var rúmlega fimm tíma ferð um borgina og þetta var bara mjög fróðlegt og skemmtilegt. Við fórum út um allt, Chinatown, Beverly Hills, Downtown LA, Farmers Market og margt fleira. Sáum meðal annars fangelsið í Beverly Hills en það er eitt af örugglega mjög fáum fangelsum sem er með sér bílastæði fyrir limmósínur, soldið spes. Hérna koma nokkrar myndir úr ferðinni:

Hollywood Bowl, margar þekktar hljómsveitir og tónlistarmenn hafa spilað þarna.

The Viper Room, langar að fara þangað aftur þar sem við keyrðum bara framhjá.

Chinatown

Ferskasti kjúklingurinn í Chinatown, slátrað á staðnum.

Veitingastaðurinn sem var notaður í Pulp Fiction. Þetta er ekki veitingastaður sem er opinn fyrir almenning heldur er hann einungis leigður út í fyrir kvikmyndatökur.

Downtown LA séð úr fjarlægð, aðallega bankar og fjármálafyrirtæki.

Staples Center, hmm kannast nú eitthvað við að hafa komið þarna áður :)

Eftir ferðina ákváðum við Giselle að skella okkur í bíó, ákváðum að fara bara á þá mynd sem væri að byrja þegar við kæmum í bíóið og það var Silent Hill. Big mistake! alveg hræðilega léleg mynd get ég sagt ykkur. Ákváðum þá að bæta okkur þetta upp með að skella okkur á almennilegan veitingastað, og við urðum aftur fyrir vonbrigðum því miður, maturinn var ekkert sérstakur. Ég er ekki ennþá búin að fara út að borða þar sem maturinn er mjög góður, hann er alltaf bara ágætur, vantar alltaf aðeins uppá. Við fórum svo á annan veitingastað sem heitir "Burbank Bar & Grill" og fengum okkur einn drykk, held að ég ætli að prófa að fara þangað næst að borða þar sem maturinn á næsta borði leit mjög vel út.
Planið er síðan að leigja bíl á laugardaginn og fara á ströndina, vona bara að það verði gott veður.

Ég byrjaði í karakter kúrsinum á mánudaginn, fyrsta vikan okkar er í öldrun þ.e. að gera fólk eldra með því að bæta á hrukkum og þannig. Það kom mér á óvart hvað þetta er skemmtilegt, hélt að þetta yrði frekar boring vika, but it´s definetly not. Það er farið mun hraðar í hlutina í þessum kúrs og það er ekki eins mikill tími til að æfa hvert atriði, þannig að maður þarf að vera duglegur að æfa sig heima eða eftir skóla. Svo er próf eftir hvern hluta, förum í próf í öldrunarhlutanum næsta mánudag og byrjum svo að læra að setja á aukahluti, nef, höku ofl.

Jæja Lost er að byrja, er alveg að farast úr spenningi þar sem seinasti þáttur var ansi spennandi og svo eru bara tveir eða þrír þættir eftir, spennandi!

.

2006-05-06T07:16:00.000-07:00

Kláraði beuty hlutann í gær, tókum þrjú próf, eitt skriflegt og gerðum svo tvö make-up. Það gekk bara mjög vel. Við vorum 10 sem kláruðum, þetta er hópurinn, kennarinn er þessi í appelsínugula. Við erum svo allar nema tvær að fara saman í karakter kúrsinn á mánudaginn.

Er að fara í túristaferð með tveim stelpum úr skólanum í dag. Blogga meira í kvöld þarf að taka mig til, við þurfum að leggja af stað klukkan 8 :(

Skrítinn dagur

2006-05-02T21:07:00.000-07:00

já dagurinn í dag var soldið spes, en góður. Við vorum með annan kennara en vanalega í dag þar sem kennarinn okkar var í burtu. Kennarinn sem við fengum í staðinn heitir John og er búinn að vera hjá skólanum frá upphafi, hann er með ótrúlega mikla reynslu og var að kenna hjá Joe Blasco fyrir mörgum mörgum árum. Allavega, hann er soldið spes karakter, mjög strangur og soldið aggressívur en mikill húmoristi með soldið spes húmor. Ég fílaði hann vel og fannst hann bara skemmtilegur en stelpurnar voru alveg að fríka út, þær voru ekki að höndla hann eða það að hann kenndi ekki nákvæmlega eins og okkar vanalegi kennari. Þær kvörtuðu stanslaust allan morguninn í staðin fyrir að vera ánægðar með að læra nýjar aðferðir við að gera hlutina.
Ég heyrði að það voru einhverjar að tala um að mæta ekki eftir hádegi af því að kennarinn væri svo ómögulegur. Við vorum ÞRJÁR sem mættum eftir hádegi (af tíu sem voru mættar fyrir hádegi), hinar ákáðu að hann væri nú ekki nógu góður kennari fyrir þær. Það er reyndar mjög léleg mæting í þessum bekk og ég skil ekki af hverju það er ekki búið að sparka sumum af þessum stelpum út. Við erum 15 þegar allar eru mættar og við erum vanalega ekki nema 10-12 á hverjum degi, vantar alltaf einhverjar. Held að við séum bara tvær sem höfum alltaf mætt og verið allan daginn. Kennarinn okkar á eftir að taka kast á bekkinn á morgun en ég þarf sem betur fer ekki að taka það til mín.
Við þrjár sem mættum eftir hádegi græddum helling á því, næstum því eins og að fá einkakennslu, þannig að þetta var bara mjög góður dagur fyrir okkur.

Það er annars bara allt gott að frétta, er ótrúlega ánægð hérna á hótelinu. Get farið heim í hádeginu og talað við Hlyn á msn áður en hann fer að sofa. Love it!
Eini gallinn er að það er soldið lengra í matvörubúð hérna og það er þreytandi að labba með allt vatnið sem ég drekk heim. Það er allt í lagi að drekka vatnið úr krananum en það er bara ekkert gott. En ef maður lítur á björtu hliðarnar þá er það ágætis líkamsrækt að bera þungu pokana heim ;)

Róleg helgi

2006-04-30T21:22:00.000-07:00

Já þetta var frekar róleg helgi hjá mér, talaði við familíuna í tölvunni í gær og kíkti svo aðeins í búðir. Talaði síðan aftur við familíuna í dag og settist síðan aðeins út eftir hádegið. Ég fór og kíkti á sundlaugina, hún er bara mjög fín og ég sat þar í smá stund. Ég þorði ekki að vera lengi þar sem það var svo ógeðslega heitt og ég var ekki með neina vörn. Ég fór því í smá búðarleiðangur og keypti sólarvörn og sandala og settist svo aftur út og las nýjasta slúðrið :)

Það er bara ein vika eftir í bjútíinu og svo tekur character kúrsinn við. Ég bætti við nokkrum myndum í skóla-albúmið, myndirnar eru ekki fyrir viðkvæma! þetta eru lokaprófin hjá tveim nemendum í character, þau áttu að gera brunasár og þetta er mjög vel gert hjá þeim. Hlakka rosalega til að læra þetta allt saman.

Ég verð að segja ykkur frá einni stelpu sem er að vinna í skólanum, hún er að vinna á skrifstofunni og kemur oft yfir í skóla að tala við okkur (skrifstofan er í annarri byggingu). Hún er alltaf í frekar spes fötum, frekar hallærislegum fötum að mínu mati. En allavega þá sló hún öll met um daginn. Hún var í svona svart/hvítu hlébarðaskinns pilsi sem var hnésítt, svo var hún í skræpóttum (rauðum, gulum, bláum) sokkabuxum við og svo skærrauð/appelsínugulri kápu. Og til að toppa þetta allt þá var hún með tíkó í hárinu. Sjáiði þetta ekki fyrir ykkur, oh my god ég átti erfitt með mig að fara ekki að hlæja.

Ég er að spá í að skella mér í leikhús næstu helgi, það er verið að sýna Salome eftir Oscar Wilde. Ég veit nú voða lítið um þetta verk en er aðeins búin að lesa mér til á netinu og líst vel á. Það er nú líka ekki slæmur leikari í stóru hlutverki í þessu verki, enginn annar en Al Pacino, það verður nú ekki leiðinlegt að sjá hann á sviði.

Þessi kaggi blast við mér þegar ég kíkti út um gluggann í morgun. Hefði verið næs ef hann hefði verið að bíða eftir mér ;)

Ég setti inn myndir frá LL djamminu sem var í mars, ætlaði að vera löngu búin að skella þessu inn. Skellti líka inn nokkrum myndum úr bústaðarferðinni sem ég fór í með familíunni helgina áður en ég fór út, það eru nú aðallega myndir af Hlyni, það er svo gaman að taka myndir af honum :)

Jæja Greys Anatomy er að verða búið, þarf að klára að læra og svo er það bara rúmið.

Flutningur og fleira

2006-04-27T22:01:00.000-07:00

Já, flutningur! Ákvað að flytja á Holiday Inn hótel sem er við hliðina á skólanum, var ekkert súper ánægð á hinum staðnum. Íbúðin var ekkert sérstaklega snyrtileg og það var frekar langt í allt, sem væri alveg í lagi ef ég væri á bíl. Hótelið er við hliðina á skólanum þannig að ég get labbað, plús að það er ódýrara og ég þarf ekki að borga neitt auka fyrir netið :) Ég flutti í dag og mér líst mjög vel á, herbergið er mjög stórt og eiginlega stærra en gamla íbúðin, svo er líka allt miklu snyrtilegra hérna, það er eiginlega ekki hægt að líkja því saman. Ég er allavega mjög ánægð með þetta allt saman :)

Avant Gard dagurinn var í dag og það gekk mjög vel. Það var sýnikennsla í male make-upi fyrst um morguninn og svo byrjuðum við bara að mála. Tónlistin í botn og svo pöntuð pizza í hádeginu, very nice dagur. Ég var með stelpu sem heitir Shelby þ.e. ég málaði hana og hún mig. Þetta var allt mjög mismunandi og ótrúlega gaman að sjá hvað hinar voru að gera. Ég setti myndir í albúmið, fyrst koma nokkrar sem ég var búin að gera áður og svo Avant Gard myndirnar, bæði mínar og hjá hinum.

Jæja ég ætla að skella mér í heitt bað og fara svo að sofa í nýja rúminu mínu :)

Bla bla bla...

2006-04-26T21:56:00.000-07:00

Jæja ég er nú ekki alveg að standa við það að vera dugleg að blogga. Ekkert mikið að gerast svo sem, skóli, heim, læra, tv. Very interesting.

Allavega, það var print dagur í gær hjá okkur, sem þýðir að við gerðum tvö make-up og það voru tvær myndatökur, önnur í lit og hin í svart hvítu. Það gekk mjög vel í fyrri myndatökunni (lit) en illa í hinni (svart hvítu). Það gekk svo sem ekkert hræðilega en ég er ekki ánægð nema þetta sé perfect, and it was far from it að mínu mati. En ég lærði allavega helling á þessu og á eftir að gera mun betur næst. Þetta eru líka bara myndir fyrir okkur til að skoða og læra af, ekkert til að setja í möppuna okkar. Við förum síðan yfir allar myndirnar á mánudaginn og skoðum hvað var gott og hvað ekki.
En á morgun getum við fríkað út, þá er Avant Gard dagur sem þýðir að við eigum að gera öðruvísi make-up, eitthvað allt annað en natural. Það má vera eitthvað tímabil eða búa til geimveru, bara það sem okkur dettur í hug, just go kreisí. Það verður ágætis tilbreyting.

Ég er að fara að flytja um helgina, segi ykkur betur frá því á morgun, þarf að fara að taka til :)

Rodeo Drive

2006-04-22T22:14:00.000-07:00

Fór hingað í dag
það var rosalega fínt, byrjuðum á Rodeo og kíktum í allar fínu búðirnar, allavega í gluggana. Keypti mér sólgleraugu, ógeðslega flott og ekkert svo dýr :) Get allavega sagt að ég hafi verslað á Rodeo Drive. Við vorum síðan rosalega duglegar og löbbuðum á Robertson Blvd sem er verslunargata með búðum sem eru aðeins nær því sem við höfum efni á. Kíktum í nokkrar búðir þar og héldum svo áfram á Melrose Avenue. Það er rosalega löng gata og við röltum aðeins á henni, það er soldið spes hvað göturnar eru fljótar að breytast. Þar sem við byrjuðum að labba var ekkert að gerast, nokkrar búðir og allar lokaðar, svo allt í einu var fullt af fólki og búðum og allt opið, svo aðeins lengra var aftur allt dautt. Við enduðum síðan á veitingastað á Sunset Blvd og fengum okkur einn kokteil sem við áttum svo sannarlega skilið eftir allt labbið.
Ég tók nokkrar myndir og er búin að setja þær í albúmið, ég er farin að sofa er gjörsamlega búin eftir daginn.

Fáfróðir Kanar

2006-04-21T21:47:00.000-07:00

Það er bara komin helgi aftur, þetta er fljótt að líða.
Var að koma heim, fór með Giesel, ensku stelpunni sem býr hérna út að borða. Fórum á veitingastað sem er á hóteli hérna við hliðina á okkur. Það var bara mjög fínt og góður matur og við sátum þó nokkra stund og spjölluðum. Vorum aðeins að hneykslast á því hvað kanarnir eru nú vitlausir og vita ekkert hvað er að gerast fyrir utan Bandaríkin og flestir þeirra vita reyndar ekkert fyrir utan sitt fylki. Það er alveg ótrúlegt hvað fréttirnar hérna fjalla bara um hvað er að gerast hérna í kring, það er varla minnst á hvað er að gerast annars staðar í Bandaríkjunum, hvað þá í öðrum löndum. Það er bara "Car chase on freeway five, and another sunny day in California today" jeij hehe, ekkert skrítið að einhverjir haldi að það séu eskimóar á Íslandi og að dollarinn sé gjaldmiðillinn á Englandi.
Jæja nóg um kanan, við ætlum að skella okkur á morgun í Beverly Hills, ætlum að byrja á Rodeo Drive og skoða okkur aðeins um þar. Jafnvel kíkja í einhverjar búðir og sjá síðan bara til hvort við sjáum ekki eitthvað sniðugt að skoða. Ég tek myndavélina með og skelli inn myndum á morgun.

Hot hot hot

2006-04-19T17:29:00.000-07:00

Já það er heitt í dag og það var heitt í gær og það á að vera heitara á morgun. Var um 25 í dag sem er bara passlegt. Þó að veðrið sé búið að vera gott þá er ég nú alveg jafn hvít og þegar ég fór út, sólin er yfirleitt farin úr garðinum hérna þegar ég kem heim. Við vorum búin snemma í dag þannig að ég notaði tækifærið og settist út með slúður í smá stund þegar ég kom heim. Held ég hafi jafnvel fengið tvær eða þrjár nýjar freknur á þessum 20 mínútum. Nokkuð gott.

Fékk fyrsta matið mitt í dag, hélt að ég fengi einkunn en þetta var meira svona feedback. Það var allt bara mjög jákvætt og ég er bara að standa mig með prýði. Við fáum síðan eitt annað mat áður en prófið er.

Ég var farin að hlakka til að horfa á Lost í kvöld en svo var ég að sjá að næsti þáttur er ekki fyrr en í byrjun maí :( Þeir eru alltaf með einhver leiðinda hlé á þáttunum hérna, frekar pirrandi. Það er nú samt nóg annað að horfa á það er ekki það. Nýji Tori Spelling þátturinn byrjaði í seinustu viku, er nú bara búin að sjá fyrsta og hann var frekar slappur. Eiginlega mjög slappur, þannig að ég á ekki eftir að leggja mig fram við að muna eftir að horfa á næst.

Það er mikil heimavinna í dag, farin að læra!

Vúhú

2006-04-18T18:18:00.000-07:00

Mér tókst að taka réttan strætó heim í gær! ótrúlega ánægð með mig, leist samt ekkert á blikuna til að byrja með þegar hann beygði í aðra átt en hann fór bara smá hring og svo í götuna mína :) Strætókerfið hérna er samt frekar skrítið, strætóinn sem ég tók vitlaust um daginn er sama númer og þessi sem fer heim til mín, hann er bara með annað nafn. Ekkert skrítið að ég hafi ruglast. Svo fara þeir bara á 40 mínútna fresti, allavega þessir sem ég tek þannig að það er frekar leiðinlegt að missa af strætó og þurfa að bíða í 40 mín.
Er að velta fyrir mér hvort ég eigi að fá mér bíl en ég veit ekki hvort það borgi sig, þarf að skoða þetta aðeins betur. Það eru allir á bíl hérna, og maður er soldið fastur að hafa ekki bíl. Það væri næs að geta farið eitthvað eftir skóla án þess að þurfa að taka leigubíl, en ég ætla að sjá til.

Það er ótrúlega gaman í skólanum og mér gengur bara mjög vel. Við fáum fyrsta matið okkar á morgun og ég er nú alveg bjartsýn á að það verði gott. Ég er rosalega ánægð með hvað við náum að æfa okkur mikið, dagurinn byrjar yfirleitt á fyrirlestri og sýnikennslu og svo byrjum við að mála hvor aðra, og málum og málum og ég er alltaf að læra eitthvað nýtt. Í næstu viku er myndataka en það er samt ekki próf meira svona æfing fyrir prófið sem verður í lokin.
Þau sem eru í special effects og hárkúrsunum koma alltaf með módelin og sýna öllum þegar þau hafa gert eitthvað nýtt. Þannig að við fáum af og til alls konar verur í stofuna til okkar. Um daginn kom ein sem var búið að breyta í klukku, andlitið á henni var skífan þ.e. tölustafirnir og vísarnir og það var búið að breyta hárinu í lítið hús með fugli inní sem hægt var að ýta út. Þetta var ótrúlega flott. Ég var ekki með myndavélina mína þann daginn, annars hefði ég tekið mynd.

Fór í Urban Outfitters í hádeginu í dag og keypti mér eina peysu. Ég hugsa alltaf til Steinunnar þegar ég labba þarna inn, hún talar alltaf svo mikið um þessa búð. Núna skil ég af hverju, ótrúlega flott föt og ég hefði alveg verið til í að versla meira :) á örugglega eftir að gera það.

Ég er búin að vera mjög léleg með myndavélina en ég ætla að reyna að bæta það svo ég geti skellt inn fleiri myndum. Ætla líka að reyna að vera duglegri í blogginu, hef fengið kvartanir og tek þær auðvitað mjög alvarlega.

Jæja ég ætla snemma að sofa í kvöld, ætla að reyna að vakna extra snemma á morgun til að geta farið á msn áður en ég fer í skólann, er farin að sakna ykkar :)

SNL

2006-04-15T22:38:00.000-07:00

Var að klára að horfa á þrefaldan Saturday Night Live. Ótrúlega góðir þættir, hló mig máttlausa þó nokkuð oft, sérstaklega í eitt skipti þar sem komu við sögu "thong bleyjur" er enn að hlæja að því atriði, it was pretty funny.

Fór að versla í dag, byrjaði í Target og var þar ansi lengi enda mjög stórt og mikið að skoða, ég get alveg gleymt mér í svona búðum. Keypti handklæði, möppu fyrir skólann og eitthvað fleira smádót. Fór svo í Best Buy og keypti webcam og fyrstu seríuna í The Office (british version) var aldrei búin að sjá hana og ætla að byrja að horfa núna á eftir. Kíkti síðan í eina, tvær búðir í viðbót en svo voru pokarnir farnir að vera frekar þungir og einn aðeins farinn að rifna og þá var kominn tími til að fara heim.

Í morgun fór ég aðeins út í matvörubúð, sá þar þetta rosalega girnilega kalkúnaálegg og var að fara að setja það í körfuna mína þegar ég sá dagsetninguna. Best fyrir 22.júní!!!! hvað er eiginlega í þessu?? ég sá líka kaldan kjúkling sem rennur ekki út fyrr en í október! Ég keypti frekar dýrustu skinkuna sem var með "eðlilega" dagsetningu.

Farin að sofa, eða horfa á tv eða eitthvað

Good friday

2006-04-14T20:50:00.000-07:00

Föstudagurin langi í dag eða Good friday eins og þau kalla það hér, og það var skóli í dag og allt opið. Ekkert páskafrí hérna og mér finnst nú ekkert vera páskar, missi bara af þeim þetta árið.

Það er gengur mjög vel í skólanum og stelpurnar eru allar ótrúlega næs. Þær vita nú ekki mikið um Ísland, ein hélt að það væri rétt hjá Ástralíu og önnur spurði hvort að það væru eskimóar á Íslandi. Landafræði er greinilega ekki þeirra sterkasta hlið.
Það er ein úr bekknum sem býr hérna á sama stað og ég, var reyndar bara að komast að því áðan þegar ég hitti hana í þvottaherberginu. Svo er ein bresk stelpa sem býr hér sem er líka í skólanum en bara ekki í mínum bekk. Við tökum alltaf strætó á sama tíma á morgnanna, spjallaði bara við hana í fyrsta skipti í morgun og við erum jafnvel að spá í að kíkja eitthvað saman á sunnudaginn, ströndina, búðir eða eitthvað í þá áttina.

Ég er búin að vera netlaus í tvo daga þar sem rándýra millistykkið sem ég keypti bilaði og tölvan var batteríislaus. Þurfti síðan að fara í þrjár búðir í dag til að finna millistykki, fann það að lokum í lítilli hverfis-rafmagnsverslun og keypti tvö, just to be safe. Gat ekki hugsað mér að vera tölvulaus um helgina.

Fór á fyrsta djammið mitt hérna á þriðjudaginn með Hrafni og vinum hans. Þau sóttu mig um 11 og við fórum á einhvern sportsbar í Studio City. Það var mjög gaman, samt mjög fáir á barnum aðrir en við. Við fórum síðan í partý hjá vini hans Hrafns og vorum þar eitthvað fram eftir nóttu. Mér tókst síðan að sofa yfir mig á miðvikudaginn þar sem ég hafði gleymt að stilla klukkuna, úps. En ég var ekkert mikið sein sem betur fer :)

Það var ótrúlega gott veður í gær, sól og mikill hiti, næstum því of heitt. Ég veit samt aldrei hvað það er heitt af því að ég botna ekkert í þessu farenheit dæmi, þarf að læra á það. Svo í dag var kalt og rosalega mikil rigning, eins og hellt væri úr fötu. Ég gerði auðvitað bara ráð fyrir að það væri sól og hiti allan tíman og tók þar af leiðandi bara kvartbuxur og pils með mér, en það er nú soldið kalt hérna stundum og ég að frjósa úr kulda í kvartbuxum og stuttermabol eins og hálfviti. Það er nú spáð ágætu um helgina og sérstaklega á sunnudaginn, vona að það standist, mig langar svo á Santa Monica ströndina.

Smá ruglingur

2006-04-11T23:17:00.000-07:00

Ég tók strætó í skólann í morgun, gekk mjög vel. Tók strætó heim og endaði hér:

gekk ekki eins vel, tók greinilega vitlausan strætó eða strætó á vitlausum stað (because this is not in my neighbourhood) en fékk í staðinn ódýran sightseeing tour um Los Angeles. Var komin heim tæpum þremur tímum seinna og var þá búin að sjá dýragarðinn, fjármálahverfið og Staples Centre sem er svo sem ágætt.

Fyrsti skóladagurinn

2006-04-10T21:48:00.000-07:00

Fyrsti skóladagurinn á enda og gekk bara vel. Það var aðallega fyrirlestur í dag, verið að fara yfir reglur, kúrsinn og kittið okkar. Ég er eini útlendingurinn í hópnum en þetta eru alls konar stelpur, er nú ekki búin að kynnast þeim mikið en held þær séu bara fínar. Við erum með einn aðalkennara sem var með okkur í dag, hún er mjög fín og með mikla reynslu. Svo koma einhverjir aukakennarar inn á milli. Við byrjum í bjútíinu og erum í því í fjórar vikur, förum svo yfir í character (special effects) make upið. Við erum strax komin með heimaverkefni, það er ein bók sem við eigum að lesa og svo er vinnubók með henni. Það verður svo skriflegt próf í lokin og auðvitað verklegt líka.
Ég labbaði í skólann í morgun og var alveg 35 mín á leiðinni, veit nú ekki hvort ég legg í að labba á hverjum morgni. Tek strætó á morgun. Eftir skóla fór ég svo að versla, var ekki búin að kaupa mér neitt af fötum og mér tókst að kaupa nokkrar flíkur en vantar ennþá skó, finn þá á morgun :)

aaarrrggghhh!! manneskjan á efri hæðinni er að gera mig gráhærða, hún eða hann gerir ekki annað en að þramma um alla íbúðina og það heyrist svo mikið á milli og glymur í öllu hjá mér. Skil ekki hvernig er hægt að ganga svona mikið um svona litla íbúð, I just don´t get it.

Jæja ég er farin að lesa fyrir morgundaginn.

...

2006-04-09T20:20:00.000-07:00

Jæja þá er fyrsta helgin í LA á enda. Fór í gær að túristast á Hollywood Blvd en þar er walk of fame og Kodak höllin þar sem óskarinn er haldinn. Það var ótrúlega gaman að sjá þetta allt saman en samt er allt eitthvað svo minna og öðruvísi en maður er búin að ímynda sér. Gatan með stjörnunum er geðveikt löng og í rauninni bara normal gata nema þar sem Kodak höllin er en þar er fullt af túristum og fullt að gerast. Það er hægt að fara í tveggja tíma rútuferð og skoða heimili stjarnanna, lagði nú ekki í það núna en það er aldrei að vita hvað maður gerir seinna, við Rosie skellum okkur kannski þegar hún kemur ;) Ég var heillengi að rölta þarna um enda margt að sjá og líka margar flottar búðir eins og þið getið séð á myndunum sem ég tók.

Ég á mjög erfitt með að sofa út hérna, ætlaði að sofa til hádegis í dag en ég var komin á fætur um 9 sem er mjög ólíkt mér. Kannski er þetta bara tímamismunurinn ennþá að stríða mér, ekki alveg komin inn í LA tímann. Allaveg þá fór ég frekar snemma á fætur í morgun og byrjaði á því að kveikja á tölvunni, það er svo fínt að fara beint í tölvuna þegar ég vakna því að þá er miður dagur heima og fullt af fólki á msn. Það er annað en núna þegar komið er kvöld hjá mér og allir eru sofandi heima og enginn til að tala við :(

Í dag kom Heba og sótti mig um eitt og við fórum í lunch og skelltum okkur svo í bjútí store. Búðin sem við ætluðum í var reyndar lokuð en við fórum þá í aðra sem var mjög fín. Ég keypti mér nú ekkert í þetta skiptið en það var ótrúlega gaman að skoða úrvalið og prófa. Við fórum síðan heim til hennar og ég fékk að gramsa aðeins í kittinu hennar sem mér fannst ótrúlega spennandi, gaman að sjá hvað svona stór make-up artist eins og hún er að nota. Við sátum síðan úti í garði í góða veðrinu og glugguðum í blöð og bækur.
Ég ætlaði síðan að reyna að hitta á Hrafn seinni partinn, en hann er íslenskur strákur sem er í kvikmyndaskóla hérna og er að fara heim núna í apríl, en það gekk ekki upp. Heyrði samt í honum og ég er mjög líklega að fara með honum og vinum hans eitthvað út á lífið annað kvöld.

jæja ætla að klára að gera allt reddí fyrir fyrsta skóladaginn, adios

Myndir

2006-04-09T15:57:00.000-07:00

Fyrstu myndir eru komnar í albúmið, kíkið endilega

Komin til LA

2006-04-07T22:10:00.000-07:00

Jæja þá er ég mætt til LA, loksins, eftir ansi langt ferðalag. Ég lagði af stað á fimmtudaginn um tvö, ætlaði að byrja á að reyna við Minneapolis flugið. Það gekk og ég var lögð af stað til USA, allt gekk vel þangað til að við fórum að nálgast Minneapolis. Þá byrjaði fjörið, við flugum í gegnum þykk ský og það var greinilegt að það var ekki gott veður þar sem vélin hristist allvel og maður sá eldingarnar mjög greinilega. Það var bara eins og verið væri að taka mynd af okkur flass flass hehe. Allavega þá segir flugstjórinn okkur að eins og við hefðum örugglega tekið eftir þá væri mjög slæmt veður og engin flugvél fengi að lenda eða fljúga frá flugvellinum. Við þurftum þá að fljúga hálftíma norður af Minneapolis og bíða þar í tvo tíma eða þangað til að veðrið skánaði. Við þurftum að hanga í vélinni allan tímann þar sem að þetta var bara lítill sveita flugvöllur og ekkert immigration til að taka á móti okkur. Við náðum síðan að lenda í Minneapolis rúmum þremur tímum eftir áætlaðan lendingartíma og þá voru flestir búnir að missa af tengiflugunum sínum, þar á meðal ég. Eftir langa bið fengum við að tékka töskurnar okkar inn fyrir flugin daginn eftir og þá áttum við eftir að finna hótel fyrir nóttina. Það gekk ekki vel, þar sem allt var að fyllast í bænum af fóli sem hafði misst af tengifluginu sínu. Mér tókst á endanum að finna hótel sem var ca 15 mín frá flugvellinum og var ég komin þangað um miðnætti á staðartíma (5 um nótt á íslenskum). Ég var samt búin að búa mig undir það á tímabili að þurfa bara að sofa á flugvellinum en þetta reddaðist :)
Ég náði síðan flugi kl 9 morguninn eftir en það var bara rétt svo, þurfti að bíða þangað 5 mín fyrir brottför og þá mátti ég hlaupa út í vél í síðasta lausa sætið. Við lentum síðan á LAX rúmlega 10 að staðartíma eftir rúmlega þriggja tíma flug. Ég hitti tvær íslenskar stelpur sem að ég deildi síðan taxa með inn í borgina, en það var eftir smá töskuvesen sem ég nenni ekki að fara út í hér. En allt er gott sem endar vel og ég komst nú á leiðarenda þó að það hafi verið nokkrar hindranir á leiðinni.

Íbúðin er bara fín, það er eitt rými með rúmi, sófa og TV og svo er eldhúsið sér og svo auðvitað
WC. Internet tengingin var bara reddí strax, sem er frábært, algjör lúxus að vera með tölvuna hérna.
Það er sundlaug hérna beint fyrir utan gluggan minn :) og það er bara mjög fínt umhverfið hérna í kring. Þetta er mjög fínt hverfi og það er stutt í búðir og veitingastaði, meira að segja Dominos staður hérna rétt hjá.

Í dag fór ég í skólann minn að hitta Staniu en hún sér um erlenda nemendur hjá MUD. Hún sýndi mér skólann og mér leist bara mjög vel á. Það er rosalega fín aðstaða, nokkrar kennslustofur og svo tvö stúdíó þar sem eru teknar myndir. Í öðru stúdíóinu er hægt að fara með módelið og sjá hvernig make-upið kemur út á monitor og líka í svarthvítu, mjög sniðugt. Mér leist allavega mjög vel á þetta allt saman og hlakka til að byrja á mánudaginn.

Eftir skólatúrinn og innkaup fyrir skólann skellti ég mér í mollið, of course! Þetta er mjög stórt mall og slatti af skemmtilegum búðum. Kíkti meðal annars í Victoria Secret, Forever 21, Charlotte Russe og Urban Outfitters. Mér tókst nú að versla aðeins og þá aðallega í VS og svo keypti ég mér líka gemsa, númerið mitt er 001-818-720-8148 (ég er líka með heimasíma: 001-818-441-0330) Ég ákvað að labba svo bara heim til að sjá hvað það tæki langan tíma og það tók rúmlega hálftíma með smá stoppi í seven-eleven. Þannig að það er ekkert mál að labba þetta, tók nokkrar myndir á leiðinni sem ég skal reyna að skella inn sem fyrst.

jæja ég er örugglega að gleyma að segja frá einhverju, það kemur þá bara seinna. Eitt sem kom mér á óvart, hollywood skiltið er pínkulítið, bara smá rönd í fjallinu, algjört prump sko. Átti von á að það myndi blasa yfir alla borgina hehe náði ekki að taka mynd af því núna þar sem ég sá það bara út úr taxanum, en ég á eftir að fara þangað aftur og þá helst nær svo það virki stærra ;)

Fyrsta bloggið

2006-03-26T10:28:00.000-08:00

Jæja, hérna ætla ég að reyna að blogga eitthvað á meðan ég verð úti og setja inn einhverjar myndir. Ég flýg út fimmtudaginn 6. apríl, fer héðan til Minneapolis og svo þaðan til Los Angeles. Ég ætla að vera á hóteli fyrstu nóttina þar sem ég lendi svo seint, held það sé um 11 leitið að staðartíma. Það er alveg átta tíma mismunur, sem er slatti!! ég ætla síðan að leigja bíl á föstudagsmorgninum og bruna af stað í nýju fínu íbúðina mína, vona allavega að hún sé ágætlega fín :)
ég er sem sagt komin með stúdíóíbúð ca 2 kílómetra frá skólanum og mér líst bara vel á hana. Það er allt til alls þarna, húsgögn og allt sem þarf í íbúðinni, sundlaug og svo er meira að segja þrifið fyrir mig einu sinni í viku(no extra charge!) sem mér finnst nú ekki slæmt.
Ég ætla síðan að nota fyrstu helgina bara í að skoða mig um og átta mig á umhverfinu og svo auðvitað versla eitthvað, ég verð pottþétt búin að þefa uppi næstu Victoria Secret búð á no time. Svo byrjar skólinn mánudaginn 10. apríl og þá verður nóg að gera, verð frá 8-5 alla virka daga.

jæja læt þetta gott heita í bili, næsta færsla kemur líklegast ekki fyrr en ég verð komin út.